Kurti: Presim që Raporti i Komisionit Evropian të pasqyrojë progresin e arritur
Kryeministri i Kosovës, Albin Kurti ka thënë se presin që raporti i Komisionit Evropian të pasqyrojë progresin e arritur në Kosovë.
Ai kështu është shprehur gjatë takimit që ka zhvilluar në margjina të Samitit të Liderëve të Procesit të Berlinit, në Mal të Zi, me Ministrin e Shtetit të Irlandës për Çështjet Evropiane dhe Mbrojtjen, Thomas Byrne.
“Muaji nëntor është i rëndësishëm dhe presim që Raporti i Komisionit Evropian të pasqyrojë progresin e arritur dhe që ky progres të marrë formë konkrete përmes marrjes së pyetësorit të Komisionit Evropian”, u shpreh Kurti.
Duke e falënderuar për përkrahjen e vazhdueshme për Kosovën dhe për kontributin e Irlandës në siguri përmes KFOR-it, kryeministri Kurti tha se mbi 3,000 pjesëtarë të ushtrisë irlandeze kanë shërbyer në Kosovë që nga viti 1999, ndërkaq paraprakisht mbi 1,000 refugjatë shqiptarë nga lufta e Kosovës gjetën strehim në Irlandë.
Ai shtoi se Republika e Kosovës vazhdon të punojë me partnerët, ashtu që progresi demokratik dhe përkushtimi evropian të përkthehen në hapa konkretë drejt anëtarësimit në Bashkimin Evropian.
Të rejat Lexo më shumë
CNN me shkrim të veçantë: Talenti shqiptar Adri Mehmeti është e ardhmja e Amerikës në futboll
Kosova dhe BE-ja zotohen për më shumë bashkëpunim në inovacion, Kusari-Lila prezanton investimet
Zvicrës i mungojnë 130 mijë tonë patate, pritet rritje e çmimeve