Kurti: Integrimi në SEPA do t’u kursejë mërgatës dhe bizneseve rreth 58 milionë euro në vit
Pas votimit në lexim të dytë ndryshim/plotësimin e Ligjit për Parandalimin e Pastrimit të Parave dhe Luftimit të Terrorizmit ka reaguar kryeministri i vendit, Albin Kurti.
Kurti përmes një postimi në rrjetin social në Facebook ka shkruar se miratimi i këtij ligji i mundëson Kosovës të plotësojë edhe kushtin e fundit për t’u integruar në sistemin evropian të pagesave SEPA.
Tutje Kurti ka shkruar se ky integrim mundëson transferta bankare të parave me kosto shumë më të ulët dhe do t’u kursejë qytetarëve, bizneseve e mërgatës rreth 58 milionë euro në vit nga tarifat e reja.
“Dua të shpreh falenderimin tim për deputetët që dje votuan në lexim të dytë ndryshim/plotësimin e Ligjit për Parandalimin e Pastrimit të Parave dhe Luftimit të Terrorizmit. Miratimi i këtij ligji i mundëson Kosovës të plotësojë edhe kushtin e fundit për t’u integruar në sistemin evropian të pagesave SEPA (Single Euro Payments Area). Ky integrim mundëson transferta bankare të parave me kosto shumë më të ulët dhe do t’u kursejë qytetarëve, bizneseve e mërgatës tonë rreth 58 milionë euro në vit nga tarifat e reja”, ka shkruar Kurti.
Të rejat Lexo më shumë
Berisha thirrje qytetarëve: Të mbështesim këtë lëvizje historike
Rama: Lojërat Mesdhetare "Prishtina 2030" janë në rrezik, Qeveria nuk po i përmbush detyrimet
Nesër në Prishtinë nënshkruhet marrëveshja për bashkimin e shkrimtarëve dhe artistëve të Kosovës dhe Shqipërisë