Krizë lëndimesh te Juventusi, nëntë lojtarë jashtë ndeshjes me Leccen: A është ftuar Zhegrova?
Luciano Spalletti ka publikuar listën me 20 lojtarë të Juventusit për udhëtimin e vështirë në Lecce, ku skuadra do të jetë pa nëntë futbollistë për shkak të lëndimeve.
Ndeshja do të zhvillohet të dielën, nga ora 18:00, në stadiumin “Via del Mare”.
Juventusi ndodhet në krizë, pasi nuk ka arritur të regjistrojë fitore në Serie A që nga 20 shtatori, kur kishte mposhtur Atalantën.
Që atëherë, “Bianconerët” kanë marrë vetëm një barazim 1-1 në udhëtim ndaj Cagliarit dhe kanë pësuar një humbje të rëndë 3-0 në shtëpi nga Lazio.
Ndërkohë, të enjten mbrëma, ata barazuan 2-2 në Torino me Stade Rennais në Ligën e Evropës.
Kjo ndeshje rezultoi e kushtueshme, pasi Zeki Celik dhe Nico Gonzalez pësuan lëndime të reja dhe për këtë arsye do të mungojnë në ndeshjen e nesërme.
Juventusit i mungonin tashmë Kenan Yildiz, Khephren Thuram, Jeff Ekhator, Manuel Locatelli dhe Kamil Grabara, ndërsa Arkadiusz Milik ka qenë jashtë fushave për një periudhë aq të gjatë, saqë është larguar nga lista e klubit për Serie A.
Ylli i kombëtares së Kosovës, Edon Zhegrova është ftuar për këtë përballje, pasi nuk ishte i përfshirë në listën e lojtarëve të ftuar për ndeshjen ndaj Rennes në Ligën e Evropës.
Zhegrova luajti për vetëm 23 minuta në ndeshjen ndaj Lazios javën e kaluar, teksa këtë edicion në Serie A ka dy gola e një asistim.
Lista e lojtarëve e Juventusit për ndeshjen ndaj Lecces:
Bremer, Gatti, Kelly, Koopmeiners, Kolo Muani, Zhegrova, Douglas Luiz, Boga, Kalulu, Alajbegovic, Cambiaso, McKennie, Pinsoglio, Rugani, Vicario, Lucumi, Woltemade, Sarr, Cabal, Neto.
Të rejat Lexo më shumë
McTominayyyy, rikthehet epërsia e Napolit me një supergol
Sulmohet selia e PS-së, fishekzjarrë edhe drejt policisë te Banka e Shqipërisë, policia shqiptare kundërpërgjigjet
Liverpooli merr vendim rreth rikthimit të mundshëm të Arnoldit