Kosova ngjitet në renditjen e FIFA-s, përparon për dy pozita
Kombëtarja e Kosovës në futbollin e femrave ka shënuar përparim në renditjen më të fundit të FIFA-s, duke u ngjitur për dy pozita në ranglistën botërore.
FIFA ka publikuar të martën renditjen e re, në të cilën Kosova pozicionohet në vendin e 83-të.
‘Dardanet’ kishin qenë në pozitën e 81-të në prill, por në ranglistën e publikuar më 16 qershor kishin rënë në vendin e 85-të.
Përparimi vjen pavarësisht se Kosova pësoi dy humbje në ndeshjet e plejofit kualifikues për Kupën e Botës ndaj Austrisë.
Megjithatë, rezultatet e përfaqësueseve të tjera dhe koeficientët e tyre kanë ndikuar në ndryshimet e renditjes botërore.
Austria, ndonëse fitoi të dyja ndeshjet ndaj Kosovës, ka humbur dy pozita në ranglistë. Ndërkohë, Shqipëria renditet në vendin e 68-të, pasi ka rënë për një pozitë.
Në krye të renditjes botërore vazhdon të jetë Spanja, e ndjekur nga Shtetet e Bashkuara të Amerikës dhe Gjermania.
Të rejat Lexo më shumë
Rreth pesë kilometra rrugë po asfaltohen në Tërstenë të Mitrovicës
Solidaritet me të rinjtë në Tiranë, studentët në Elbasan bojkotojnë mësimin: Është e turpshme të vijojmë si normalisht
Largohet një deponi tjetër ilegale e mbeturinave në Pejë