← Kthehu te Ballina
Politikë 04/10/2026 08:31

“Jo në emrin tim”, protesta sot në Berlin dhe Prishtinë

“Jo në emrin tim”, protesta sot në Berlin dhe Prishtinë

“Jo në emrin tim”, protesta sot në Berlin dhe Prishtinë

Protesta me moton “Jo në emrin tim” do të mbahet sot, më 4 tetor, në Berlin, në shenjë kundërshtimi ndaj aktgjykimit dënues të Gjykatës Speciale ndaj ish-krerëve të Ushtrisë Çlirimtare të Kosovës (UÇK).

Sipas njoftimit të organizatorëve, protesta do të nisë në orën 12:00, para ndërtesës së Parlamentit gjerman, te Reichstagsgebäude, në adresën Platz der Republik 1.

Një protestë e ngjashme e organizuar nga diaspora shqiptare është mbajtur dje në Munih të Gjermanisë.

Ndërkohë, sot në Prishtinë vazhdon protesta e 19-të me të njëjtën moto. Ajo do të mbahet në sheshin “Skënderbeu”, duke filluar nga ora 19:00.

Përveç kundërshtimit të aktgjykimit të Gjykatës Speciale, protestuesit në Prishtinë kërkojnë edhe miratimin e Projektligjit për ndryshimin dhe plotësimin e Ligjit për Dhomat e Specializuara të Kosovës nga Kuvendi i Kosovës.

Më 16 shtator, Dhomat e Specializuara në Hagë dënuan në shkallën e parë me gjithsej 81 vjet burgim ish-presidentin Hashim Thaçi, ish-kryetarin e Kuvendit Kadri Veseli, ish-zëvendëskryeministrin Jakup Krasniqi dhe ish-deputetin Rexhep Selimi.