“Ishte kaotike”, Vitinha flet për sherrin mes Ronaldos dhe Jorge Jesus që tronditi Portugalinë
Mesfushori i Paris Saint-Germainit, Vitinha, ka folur për situatën e tensionuar brenda kampit të Kombëtares së Portugalisë, pas përplasjes së bujshme mes Cristiano Ronaldos dhe përzgjedhësit Jorge Jesus.
Pas fitores së PSG-së ndaj Manchester Cityt në Ligën e Kampionëve, ku shënoi edhe golin e tretë të skuadrës së tij në triumfin 4-2, portugezi shprehu shpresën që kjo çështje të zgjidhet sa më shpejt dhe që kapiteni i kombëtares të rikthehet në Kombëtare.
Vitinha nuk deshi të mbante anë në këtë përplasje, por e bëri të qartë se dëshira e tij është që Ronaldo dhe drejtuesit e Portugalisë të gjejnë një zgjidhje për situatën e krijuar.
“Ka qenë një grumbullim kaotik i Kombëtares, plot emocione. Sa më përket mua, shpresoj vetëm që gjithçka të zgjidhet në mënyrën më të mirë. Që ai të rikthehet dhe gjithçka të përfundojë mirë”.
“E vërteta është se këtë e dëshirojmë të gjithë. Shpresoj që ai të kthehet dhe gjithçka të zgjidhet”, deklaroi Vitinha.
Përplasja mes Ronaldos dhe Jorge Jesusit nisi gjatë ndeshjes së Portugalisë kundër Norvegjisë në Ligën e Kombeve, të cilën portugezët e fituan me rezultat 2-1.
Pavarësisht se Ronaldo ishte nxehur për rreth 30 minuta dhe kishte pritur të aktivizohej, trajneri vendosi ta mbante në bankën rezervë gjatë gjithë takimit. Ky vendim thuhet se e zemëroi sulmuesin, i cili u ndje i tradhtuar nga trajneri.
Më 6 tetor, Ronaldo publikoi një deklaratë ku foli për bisedat private mes tyre dhe pretendoi se Jesus kishte shkelur dy herë fjalën e dhënë, përfshirë edhe një sqarim që, sipas tij, ishte premtuar të bëhej gjatë konferencës për shtyp pas ndeshjes.
Të rejat Lexo më shumë
Eleni Vakali largohet nga Kosova pas gati katër vjetësh e gjysmë: Marr me vete kujtime dhe miqësi të paharrueshme
Sot mbyllet xhiro e nëntë në Superligën e Kosovës me një super ndeshje
Nis zgjerimi i rrugës “Hajrullah Zymi” në Fushë Kosovë