Ish-presidentja Osmani në Turqi, e merr një çmim, ia dedikon presidentit Rugova!
Ish-presidentja e Republikës, tani deputete e LDK-së, Vjosa Osmani është shprehur mirënjohëse për ndarjen e çmimit “Global Diplomacy Award”, në praninë e mbi 350 pjesëmarrësve nga 32 shtete të botës, të cilët u mblodhën në Turqi me ftesë të organizatës “Global Journalism Council”.
“Diplomacia e vërtetë ndërton ura dhe qëndron gjithmonë në anën e drejtësisë.
Këtë çmim ia dedikoj, sikurse çdo çmim tjetër, popullit të përvuajtur të Kosovës, i cili sakrifikoi gjithçka, deri edhe fëmijët në djep, që ne sot ta gëzojmë lirinë.
Njëkohësisht, ia dedikoj Atit themeltar të Republikës sonë, Presidentit Ibrahim Rugova, i cili na mësoi rëndësinë e aleancave, të ndërtimit të urave dhe të kultivimit të miqësive.
Ky çmim është edhe një homazh për gazetarët që, gjatë luftës në Kosovë, me guximin për të treguar të vërtetën, ndihmuan në shpëtimin e jetëve të panumërta. Sepse gazetaria e guximshme nuk është vetëm dëshmi e historisë, por edhe mbrojtje e jetës dhe e njerëzimit.
Faleminderit nga zemra për këtë vlerësim”.
Të rejat Lexo më shumë
Konsullata e Kosovës në Cyrih pret në takim arkitektin shqiptar që po ndërton karrierë në Zvicër
E mitura largohet nga shtëpia në Deçan, gjendet nga Policia në orët e hershme të mëngjesit
Alarm te Real Madridi, ylli i skuadrës pranon se po luan me dhimbje