Inspektorati Qendror i Punës ndalon punimet në dy objekte ndërtimi në Istog dhe Ferizaj
Inspektorati Qendror i Punës, në kuadër të inspektimeve të vazhdueshme në terren për mbikëqyrjen e zbatimit të legjislacionit të punës dhe të sigurisë dhe shëndetit në punë, ka realizuar inspektime në dy objekte ndërtimi në komunat e Istogut dhe Ferizajt.
Sipas njoftimit për media gjatë inspektimeve janë konstatuar parregullsi në zbatimin e masave për siguri dhe shëndet në punë, të cilat paraqesin rrezik për jetën dhe shëndetin e punëtorëve.
Për këtë arsye, Inspektorati Qendror i Punës ka nxjerrë vendime për ndalimin e përkohshëm të punimeve në këto objekte ndërtimi, deri në eliminimin e të gjitha mangësive të evidentuara dhe krijimin e kushteve të sigurta për zhvillimin e punës.
Inspektorati Qendror i Punës do të vazhdojë inspektimet në terren dhe ndërmarrjen e masave ligjore ndaj subjekteve që nuk i respektojnë kërkesat për siguri dhe shëndet në punë.
Njëkohësisht, u bëhet thirrje të gjithë punëdhënësve që të respektojnë me përpikëri legjislacionin në fuqi dhe të marrin të gjitha masat e nevojshme për mbrojtjen e jetës dhe shëndetit të punëtorëve.
Të rejat Lexo më shumë
Russell Brand kërkon falje në gjyqin për përdhunim, por mohon të gjitha akuzat
Protestuesit fillojnë të mblidhen në sheshin “Zahir Pajaziti” në Prishtinë për të dytën ditë me radhë
Kadrijaj: Prodhuesit vendorë po përballen me standarde të dyfishta, 15 qumështore janë në rrezik serioz