Inspektorati i Punës ndalon punimet në 9 objekte ndërtimi në Prishtinë dhe Ferizaj
Inspektorati Qendror i Punës ka ndërmarrë masa për ndalimin e përkohshëm të punimeve në nëntë objekte ndërtimi, tetë prej tyre në Rajonin e Prishtinës dhe një në Ferizaj.
Sipas njoftimit të Inspektoratit, gjatë kontrolleve në terren janë evidentuar parregullsi në zbatimin e masave për siguri dhe shëndet në punë.
Për shkak të këtyre shkeljeve, inspektorët kanë vendosur ndalimin e përkohshëm të punimeve deri në eliminimin e parregullsive dhe krijimin e kushteve të sigurta për punëtorët.
Inspektorati Qendror i Punës u ka bërë thirrje të gjithë punëdhënësve që të respektojnë kërkesat ligjore për sigurinë dhe shëndetin në vendin e punës.
Sipas këtij institucioni, respektimi i këtyre masave është i domosdoshëm për parandalimin e aksidenteve dhe mbrojtjen e jetës dhe shëndetit të punëtorëve.
Të rejat Lexo më shumë
IPKO shënon Muajin Rozë, profesionistet bëjnë thirrje për më shumë ndërgjegjësim dhe diagnostikim të hershëm
Spanca prezanton raportin e auditimit për vitin 2025: Borxhi shtetëror kalon 1.8 miliardë euro
Termokosi njofton ndërprerjen e furnizimin me ngrohje