Haziri: LDK duhet t’i kthehet shtëpisë së saj, s’mundemi me dëmtua në emër të demokracisë së brendshme
Nënkryetari i Lidhjes Demokratike të Kosovës, Lutfi Haziri ka folur për zgjedhjet e brendshme në këtë parti që pritet të mbahen pas një viti.
Ai ka thënë se emrat e përfolur për kryetar e pasurojnë garën.
Por, Haziri duke folur për problemet e brendshme, ka thënë se nuk munden që në emër të demokracisë të brendshme ta dëmtojnë partinë.
“Demokracia e brendshme në LDK ka qenë e simpatune deri në atë pikë sa na është bërë shprehi e keqe, në emër të demokracisë së brendshme me dëmtuar qëllimin ton politik. LDK duhet me u kthy në shtëpinë e vet”, ka thënë Haziri në emisionin “Këndi i Debatit” në Tëvë1.
Ai ka thënë se LDK-ja duhet t’i kthehet shtëpisë së saj.
“LDK-ja me vet faktin që debate me propozime e me vet propozime fillon fushatën kjo thotë që nuk është në shtëpinë e vet. Shpija e LDK-së është ku burrat dhe gratë ulën në strukturë, në organet e veta të zgjedhura, normat i kemi, vetme me ju kthyer normave tona edhe me shkaktua procesin e brendshëm i cili nxjerrë në pah vlerat tona. Jemi në fazën ku duhet me fillua me mendua seriozisht përgatitjet për zgjedhjet e ardhshme”, është shprehur Haziri.
Nënkryetari i LDK-së ka thënë se ai ka vizion tjetër të drejtimit të partisë nga ai aktual.
Kryetari i Prishtinës, Përparim Rama dhe deputeti Arben Gashi kanë konfirmuar kandidaturat e tyre në garën për të parin e partisë, që aktualisht e udhëheq Lumir Abdixhiku.
Të rejat Lexo më shumë
Cilat janë përfitimet shëndetësore të ushtrimeve intensive?
Tradita shqiptare bashkon komunitetin te North Sunshine Eagles, përgatitet pite tradicionale për Albanian Cup 2026
Mickoski: Do të ketë arrestime të reja, në shënjestër ish-funksionarë dhe zyrtarë aktualë