Hakerët vjedhin të dhënat e 890 mijë klientëve të Ricardo-s në Zvicër
Rreth 890 mijë llogari të përdoruesve të platformës zvicerane të shitblerjeve online Ricardo janë prekur nga një incident i sigurisë kibernetike, pas qasjes së paautorizuar në të dhënat personale të klientëve.
Sipas një njoftimi të publikuar nga kompania më 9 tetor 2026, në mesin e të dhënave të ekspozuara janë emrat, adresat postare dhe numrat e telefonit të përdoruesve. Për llogaritë e bizneseve janë ekspozuar edhe emrat e kompanive.
Kompania bëri të ditur se adresat e emailit dhe fjalëkalimet nuk janë prekur nga incidenti, shkruan 20Minuten, transmeton
Aktiviteti i dyshimtë në serverët e platformës u zbulua më 7 tetor, pas së cilës kompania ndërmori masa teknike për të siguruar sistemet e saj.
Sipas njoftimit, dobësia e sigurisë që mundësoi qasjen e paautorizuar është eliminuar.
Ricardo ka nisur të njoftojë drejtpërdrejt përdoruesit e prekur për incidentin dhe masat që duhet të ndërmarrin.
Kompania ka njoftuar gjithashtu autoritetin zviceran për mbrojtjen e të dhënave dhe Qendrën Kombëtare të Sigurisë Kibernetike, ndërsa ka bërë të ditur se do të paraqesë kallëzim penal në polici.
Incidenti ngre shqetësime për privatësinë e qindra mijëra përdoruesve, pasi të dhënat e ekspozuara mund të keqpërdoren për mashtrime online, mesazhe të rreme dhe tentativa për vjedhjen e identitetit.
Përdoruesve u rekomandohet të tregojnë kujdes ndaj telefonatave dhe mesazheve të dyshimta, veçanërisht atyre që kërkojnë të dhëna personale ose informacione bankare.
Të rejat Lexo më shumë
Franca premton 3,000 mësues shtesë pas protestave të nxënësve për më shumë investime në arsim
Kjo është lista e Realit për ndeshjen e radhës në La Liga
Ekskluzive: Ambasadorët e huaj zbarkojnë në Gjykatën Kushtetuese të Kosovës