Gjykata Administrative e Kosovës pjesëmarrëse në trajnimin ndërkombëtar të Procesit të Pragës
Gjykata Administrative e Kosovës po përfaqësohet për herë të parë në trajnimin ndërkombëtar të organizuar nga Akademia e Trajnimit e Procesit të Pragës.
Kjo me temën “Trajnimi për azilin dhe ligjin për mbrojtjen ndërkombëtare për gjyqësorin”.
Në këtë aktivitet po marrin pjesë kryetari i Gjykatës Administrative të Kosovës, Kreshnik Kaçiu dhe gjyqtari Vegim Maloku, udhëheqës i Departamentit të Përgjithshëm në këtë gjykatë.
Gjatë punimeve të trajnimit, kryetari Kaçiu i njoftoi pjesëmarrësit për themelimin dhe funksionalizimin e Gjykatës Administrative të Kosovës, si dhe për objektivat dhe synimet e saj për të ardhmen.
Po ashtu, Kaçiu falënderoi organizatorët për ftesën dhe theksoi rëndësinë e bashkëpunimit ndërmjet gjykatave të vendeve të rajonit, përmes shkëmbimit të përvojave dhe praktikave më të mira, me qëllim të rritjes së profesionalizmit dhe efikasitetit në trajtimin e rasteve gjyqësore.
Pjesëmarrja e përfaqësuesve të Gjykatës Administrative të Kosovës në këtë trajnim shënon një hap të rëndësishëm drejt zhvillimit të kapaciteteve profesionale, avancimit të praktikave gjyqësore dhe forcimit të bashkëpunimit ndërkombëtar.
Procesi i Pragës (Prague Process) është një mekanizëm rajonal bashkëpunimi ndërmjet shteteve në fushën e migracionit, azilit dhe mbrojtjes ndërkombëtare. Ai është themeluar në vitin 2009 dhe përfshinë shtete të Bashkimit Evropian, Ballkanit Perëndimor, Evropës Lindore, Azisë Qendrore dhe rajoneve të tjera partnere.
Të rejat Lexo më shumë
Trump paralajmëron banorët e Kansasit se SHBA-ja do të "digjet" si Franca nëse fitojnë demokratët
“Do të luajmë kundër 17 gjyqtarëve” – Real Madrid TV shpërthen ndaj Barcelonës para El Clasicos
Shtetasit nga Turqia i zbulohet mall i padeklaruar në Aeroportin Ndërkombëtar të Prishtinës, inicohet procedura për kundërvajtje doganore