← Kthehu te Ballina
Sport 18/10/2026 20:31

Fitore dramatike në debutimin e dytë të Ramadanit: Thaqi vendos në minutën e fundit

Fitore dramatike në debutimin e dytë të Ramadanit: Thaqi vendos në minutën e fundit

Zekirija Ramadani e ka nisur në mënyrën më dramatike të mundshme aventurën e tij të dytë në krye të Gjilanit, duke siguruar një fitore të madhe me rezultat 1-0 ndaj Feronikelit.

Në ndeshjen e vlefshme për xhiron e 10-të të Superligës së Kosovës, Gjilani dominoi pothuajse gjatë gjithë takimit, por goli i fitores erdhi vetëm në sekondat e fundit të lojës shtesë.

Gjilani e kontrolloi lojën nga fillimi në fund, duke mbajtur posedimin e topit në masën 68% kundrejt 32% të mysafirëve.

Gjithashtu, skuadra e Ramadanit krijoi plot 11 tentativa për gol. Megjithatë, mbrojtja e kompaktësuar e Feronikelit arriti të rezistonte deri në minutat e fundit shtesë.

Akoma kur ndeshja po shkonte drejt një barazimi pa gola, Gjilani fitoi një penallti në minutat shtesë të takimit.

Përgjegjësinë e mori mbrojtësi i përvojës, Armend Thaqi, i cili në minutën e 99-të (90+9′) u tregua gjakftohtë nga pika e bardhë dhe tundi rrjetën për rezultatin përfundimtar 1-0.

Reklamë