Fermin flet pas dy golave në derbi, nuk e pranon sfidën me bashkëlojtarin për Pichichin
Fermín López ka minimizuar gjasat e tij për të konkurruar me Raphinhan për trofeun e Pichichit, pasi shënoi dy gola në fitoren 2-1 të Barcelonës ndaj Atletico Madridit, të dielën.
Mesfushori ishte vendimtar në triumfin e katalunasve në “Metropolitano”, duke shënuar golin e barazimit në minutat shtesë të pjesës së parë, përpara se të realizonte golin e fitores në minutën e 66-të.
I pyetur nëse mund të garojë me Raphinhan për çmimin e golashënuesit më të mirë të La Ligës, Fermín u shpreh se nuk beson se mund ta arrijë.
“Nuk besoj se do ta arrij, sepse Raphinha po luan në mënyrë të jashtëzakonshme dhe jam i sigurt se do të vazhdojë të shënojë gola! Për sa kohë që mund ta ndihmoj ekipin, jam i lumtur”.
22-vjeçari gjithashtu vlerësoi reagimin e Barcelonës pas pushimit mes pjesëve, duke shpjeguar se lojtarët e dinin se duhej të vazhdonin me ritmin dhe lojën që kishin treguar në fund të pjesës së parë.
“Në pushim e dinim se duhej të vazhdonim të luanim ashtu siç e përfunduam pjesën e parë”, deklaroi ai.
“Mendoj se ekipi zhvilloi një pjesë të dytë të jashtëzakonshme, si në aspektin defensiv, ashtu edhe në atë ofensiv. Jemi shumë të lumtur”, përfundoi Fermín.
Të rejat Lexo më shumë
“Gati katër vjet pa kontakt”, Pepshi publikon letrën e Ministrisë së Shëndetësisë dhe tregon si u injorua gatishmëria e tij për bashkëpunim
Buxhet më i madh në Shëndetësi, por pacientët vazhdojnë të blejnë vet barna
Demokratët paralajmërojnë hetime ndaj Elon Musk, Stephen Millerit dhe kompanive të mëdha pas fitores në zgjedhje