Fëmija në Zvicër mbyll aksidentalisht nënën dhe motrën në dhomë, qumështi që digjej mbi pianurë shkakton tym të madh
Një ngjarje e pazakontë ka ndodhur në qytetin Aarau të Zvicrës, ku një fëmijë e ka mbyllur aksidentalisht nënën dhe motrën e tij në një dhomë, ndërsa qumështi që po zihej në sobë nisi të lëshonte tym të dendur.
Rasti ndodhi të martën në mëngjes, më 20 tetor, në një banesë në rrugën Obere Vorstadt në Aarau.
Sipas policisë kantonale të Aargaut, nëna 35-vjeçare po ngrohte qumësht në një tenxhere mbi sobë, kur u largua për pak çaste në dhomën tjetër, shkruan 20Minuten, transmeton
Gjatë kësaj kohe, njëri prej fëmijëve e mbylli aksidentalisht derën, duke lënë nënën dhe motrën të bllokuara brenda.
Ndërkohë, qumështi vazhdoi të nxehej derisa filloi të lëshonte sasi të mëdha tymi. Nëna arriti të njoftonte policinë për situatën e krijuar. Pas alarmit, një patrullë e policisë së qytetit Aarau mbërriti në vendin e ngjarjes.
Për t’i nxjerrë personat e bllokuar, zyrtarët policorë u detyruan të thyenin dyert e banesës. Në këtë mënyrë, nëna dhe dy fëmijët u nxorën jashtë në siguri.
Të tre personat u dërguan me ambulancë në spital për kontrolle mjekësore.
Sipas autoriteteve, nëna 35-vjeçare kishte pësuar lëndime të lehta.
Rasti shërben si një kujtesë për rrezikun që mund të krijohet kur ushqimi ose lëngjet lihen në sobë pa mbikëqyrje, veçanërisht kur në shtëpi ka fëmijë të vegjël.
Të rejat Lexo më shumë
Vendim: Prokurorët Specialë mund të nisin hetime pa autorizimin paraprak të Kryeprokurorit
Protesta në Itali për rritjen e çmimeve të karburanteve, bllokohen rrugët dhe portet
Klekovski: Inspektorati konstatoi shkelje në Klinikën për Neurologji gjatë mjekimit të Mihaillovës