Fadil Fazliu lirohet nga Gjykata Speciale
Gjykata Speciale në Hagë ka shpallur aktgjykimin ndaj Fadil Fazliut, duke e dënuar atë me 12 muaj burgim për dy vepra penale, por shkaku i qëndrimit në burg nga dhjetori i vitit 2024, Fazliu ka kryer këtë dënim, raporton Telegrafi.
Fazliu është shpallur fajtor për veprën penale të tentativës për pengim të personave zyrtarë në kryerjen e detyrave zyrtare, e cila figuron në pikën 16 të aktakuzës.
Po ashtu, ai është shpallur fajtor për veprën penale të mosbindjes ndaj gjykatës, e cila figuron në pikën 17 të aktakuzës dhe bën pjesë në kategorinë e veprave penale kundër administrimit të drejtësisë dhe administratës publike.
Shpallet fajtor Hashim Thaçi për pengim për drejtësi, dënohet me 17 muaj burgim

Andaj, duke llogaritur kohën e kaluar në paraburgim, Fazliu është liruar.
Zhvillimet e rastit gjyqësor
Fadil Fazliu ishte arrestuar më 5 dhjetor 2024, pas konfirmimit të aktakuzës, dhe ishte transferuar në njësinë e paraburgimit të Dhomave të Specializuara të Kosovës në Hagë.
Në paraqitjen e parë para gjykatës, më 8 dhjetor 2024, Fazliu ishte deklaruar i pafajshëm për të gjitha pikat e aktakuzës.
Gjykata Speciale shpall vendim lirues për Isni Kilajn

Më 10 shkurt 2026, ai ishte liruar me kusht në Kosovë, sipas vendimit të Gjykatës Speciale, shkruan Telegrafi.
Ndërkaq, gjykimi në këtë çështje kishte filluar më 27 shkurt 2026, ndërsa Prokuroria e Specializuar kishte përfunduar paraqitjen e provave më 13 mars 2026.
Pas përfundimit të procedurës së paraqitjes së provave më 5 gusht 2026, palët kishin paraqitur deklaratat përmbyllëse gjatë periudhës 10-14 shtator 2026.
Bashkim Smakaj dënohet me 12 muaj burgim

Gjykatësi i Vetëm kishte caktuar 17 nëntorin 2026 si datë për shpalljen e aktgjykimit në këtë çështje. /Telegrafi/
Artikull i përzgjedhur dhe përpunuar automatikisht nga Zani Digjital.
