Ekstradohet nga Gjermania në Kosovë i kërkuari nga INTERPOL-i për narkotikë
Një shtetas kosovar, i kërkuar me letër rreshtim ndërkombëtar për vepër penale që lidhet me narkotikët, është ekstraduar nga Gjermania në Kosovë.
Sipas njoftimit të Policisë së Kosovës, ekstradimi i personit me inicialet Sh.H. është realizuar më 9 tetor 2026, në kuadër të bashkëpunimit ndërmjet institucioneve të Kosovës dhe atyre gjermane.
I dyshuari ishte arrestuar nga autoritetet gjermane, pasi kërkohej përmes INTERPOL-it me letër rreshtim ndërkombëtar, të lëshuar nga institucionet e drejtësisë së Kosovës.
Ai dyshohet për veprën penale “Blerja, posedimi, shpërndarja dhe shitja e paautorizuar e narkotikëve, substancave psikotrope dhe analoge”.
Pas ekstradimit, i dyshuari u është dorëzuar njësive përkatëse të Policisë në rajonin e Prishtinës, për vazhdimin e procedurave të mëtejshme ligjore.
Policia ka bërë të ditur se ekstradimi është realizuar në përputhje me legjislacionin në fuqi dhe në bashkëpunim me institucionet përkatëse të të dyja shteteve.
Të rejat Lexo më shumë
BE-ja po kupton se mbështetja për Ukrainën nuk do të mjaftojë, ndërsa Rusia përshkallëzon luftën
SpaceX blen frekuenca për Starlink, synon të bëhet operator i plotë celular në SHBA
Ish-presidentja Jahjaga reagon për rastin në Gjilan, ka disa fjalë për institucionet