← Kthehu te Ballina
Sport 19/10/2026 17:01

Dyshja e famshme Henry-Scott do të jenë prezantuesit e ceremonisë së “Topit të Artë”

Dyshja e famshme Henry-Scott do të jenë prezantuesit e ceremonisë së “Topit të Artë”

Ceremonia e “Topit të Artë” të këtij viti do të ndryshojë lokacion.

Këtë herë mbahet në Londër, ndryshe nga vitet e kaluara që ishte mbajtur në Paris që kur “France Football” e rimori nga FIFA.

Gjatë ditës së sotme janë zbuluar edhe emrat që do të prezantojnë këtë mbrëmje gala, me dyshen Thierry Henry dhe Kate Scott.

Të dy janë edhe pjesë e panelit të Ligës së Kampionëve në “CBS”, krah Jamie Carragher dhe Micah Richards të cilët janë bërë viral shkaku i përmbajtjes të cilët shpeshherë ishte dhe qesharake.

Kujtojmë se ceremonia do të mbahet më 26 tetor.

Reklamë