← Kthehu te Ballina
Lajme 03/11/2026 18:02

Dyshimet për eksploziv, kontrollohen 7 aeroplanë në Evropë

Dyshimet për eksploziv, kontrollohen 7 aeroplanë në Evropë

Shtatë fluturime janë kontrolluar pasi kanë zbritur në Evropë, pas një serie kërcënimesh me bombë.

Dy aeroplanë të Ryanair u kontrolluan pasi kanë zbritur në Romë, njëri prej të cilëve është shoqëruar nga Forcat Ajrore Italiane, shkruan BBC.

Bëhet e ditur se nuk janë gjetur eksplozivë në asnjërin prej aeroplanëve.

Dy fluturime të tjera u inspektuan në Varshavë, përfshirë një që u devijua pasi u nis nga Heathrow i Londrës, dy të tjerë u ulën në Sofje.

Një aeroplan që u nis nga Manchesteri u inspektua në Murcia, ku një zyrtar lokal tha se nuk u gjetën eksplozivë.

Të hënën, një fluturim nga Londra Luton për në Sofje bëri një ulje emergjente në Budapest, pas një kërcënimi me bombë.

Reklamë