← Kthehu te Ballina
Lajme 25/10/2026 21:32

Dy policë të plagosur nga sulmi me gurë dhe mjete piroteknike në Llazarevc të Serbisë

Dy policë të plagosur nga sulmi me gurë dhe mjete piroteknike në Llazarevc të Serbisë

Ministria e Punëve të Brendshme e Serbisë e dënoi ashpër sulmin ndaj zyrtarëve policorë, i cili ndodhi në mbrëmje në Llazarevc. Sipas saj, gjatë incidentit u plagosën dy policë.

“Gjatë këtij incidenti, një grup personash sulmoi fizikisht pjesëtarët e policisë, duke përdorur gurë, mjete piroteknike dhe sende të tjera të rrezikshme”, thuhet në njoftimin e MPB-së.

Pjesëtarët e MPB-së serbe, në bashkëpunim me prokurorinë kompetente, po ndërmarrin të gjitha masat ligjore për identifikimin dhe arrestimin e të gjithë personave të përfshirë në këtë sulm, thuhet në njoftim.

Ministria e Punëve të Brendshme e Serbisë u bëri thirrje të gjithë qytetarëve që të përmbahen nga çdo formë e dhunës dhe agresionit, veçanërisht nga sulmet ndaj zyrtarëve policorë, në mënyrë që procesi zgjedhor të zhvillohet në mënyrë paqësore, të sigurt dhe në përputhje me ligjin.

Reklamë