← Kthehu te Ballina
Sport

Dy mungesa për Kosovën para sfidës me Irlandën, Foda liron Zhegrovën dhe Hoxhën

Dy mungesa për Kosovën para sfidës me Irlandën, Foda liron Zhegrovën dhe Hoxhën

Përzgjedhësi i Kombëtares së Kosovës, Franco Foda, ka vendosur t’i lirojë nga grumbullimi dy futbollistët Edon Zhegrova dhe Veldin Hoxha, të cilët nuk do të jenë në dispozicion për ndeshjen e radhës ndaj Irlandës.

Zhegrova është liruar për shkak të një lëndimi, i cili e pamundëson të jetë i gatshëm për sfidën e ardhshme të Dardanëve.

Kështu, përzgjedhësi Foda nuk do të mund të llogarisë në shërbimet e tij në këtë përballje të rëndësishme.

Formacioni startues i Kosovës ndaj IzraelitFoto: Ridvan Slivova/Telegrafi

Ndërkohë, nga grumbullimi është liruar edhe Veldin Hoxha, por për një arsye tjetër. Mesfushori është i pezulluar për ndeshjen ndaj Irlandës, pasi u ndëshkua me karton të kuq, pas dy kartonëve të verdhë, në duelin e djeshëm kundër Izraelit.

Kësisoj, Kosova do të udhëtojë drejt ndeshjes së radhës pa dy futbollistët, të cilët për arsye të ndryshme nuk mund të jenë pjesë e skuadrës në këtë takim.

Dardanët synojnë ta përfundojnë fazën e grupeve me rezultat pozitiv dhe ta sigurojnë pozitën e dytë, e cila u mundëson pjesëmarrjen në plejofin për promovim në Ligën A të Ligës së Kombeve. /Telegrafi/

Burimi: telegrafi.com

Artikull i përzgjedhur dhe përpunuar automatikisht nga Zani Digjital.

Lexo më shumë

Reklamë e sponsorizuar