Dorëzohen tri armë dhe 171 fishekë në Prishtinë, dy persona arrestohen
Policia e Kosovës ka njoftuar se dy persona janë arrestuar në Prishtinë, pasi në posedim të tyre janë gjetur tri armë dhe gjithsej 171 fishekë.
Rasti ka ndodhur më 6 nëntor 2026, rreth orës 18:00, në rrugën “Sejdi Sejdiu”.
Sipas njoftimit policor, një mashkull kosovar është paraqitur në stacionin policor, ku ka dorëzuar një kasafortë të vogël metalike, në të cilën ndodheshin 54 fishekë.
Gjatë intervistimit, i dyshuari ka deklaruar se në shtëpinë e tij posedonte edhe tri armë. Pas kësaj, njësia policore ka dalë në vendin e ngjarjes, ku i dyshuari së bashku me bashkëshorten e tij kanë dorëzuar dy pushkë, një pistoletë me gaz, 117 fishekë të kalibrave të ndryshëm dhe një leje për armë.
Të dy personat janë arrestuar dhe janë shoqëruar në stacion policor për intervistim.
Me vendim të prokurorit, pas intervistimit, ata janë liruar dhe rasti do të vazhdojë në procedurë të rregullt.
Të rejat Lexo më shumë
Vështirësi gjatë vozitjes natën dhe ndryshime të dioptrisë? Rrona Gjini paralajmëron për keratokonusin
Fermin Lopez zbulon dy trajnerët e Barcelonës që i dhanë formë ngritjes së tij
Iliriana Gjoni, analistja shqiptare në Carnegie Europe, diskuton në Bruksel me zyrtarë të lartë të BE-së për zgjerimin