“Dialog”, kryeministri Rama vendos sërish karriget para Kryeministrisë: Edhe 1001 arsye nuk e justifikojnë dhunën
Kryeministri Edi Rama ka vendosur sërish karrige para Kryeministrisë, ku në to ka lënë edhe një herë ftesën për dialog me protestuesit.
Rama në një video të postuar në Facebook thekson se edhe 1001 pakënaqësi nuk e arsyetojnë dhunën.
“Ka 1001 pakënaqësi, 1001 halle, 1001 probleme. Mund të ketë dhe 1001 arsye për të protestuar, por asnjë arsye nuk e justifikon dhunën. Çdo arsye është një argument më shumë për dialogun. Për dialogun me njerëzit që ndajnë të njëjtin atdhe, që kanë të njëjtën shtëpi të përbashkët, mes njerëzish që duan të njëjtën gjë, si ta bëjmë Shqipërinë më të mirë.
E drejta e protestës është e pamohueshme, dhuna është krim i ndëshkueshëm”, shprehet Rama.
Ai tha tutje se dje dialogu mori përgjigjen e dhunës.
“Dje dialogu mori përgjigjen e dhunës, sot dialogu është këtu përsëri. Dora ime është e shtrirë për të gjithë ata që mendojnë ndryshe nga unë dhe nga shumica e atyre që janë të terrorizuar nën trysninë e dhunës”, tha ai.
Të rejat Lexo më shumë
Tronditje në Paris pas spektaklit: Ylli i ekipit i lënduar rëndë, humb sezonin?
Profesori austriak dhe miku i madh i shqiptarëve Paul Lendvai, 97-vjeçar, i drejtohet Edi Ramës: Merru me shkaqet e demonstratave, lëre retorikën e gënjeshtrave
Koalicioni i udhëhequr nga Arabia Saudite thotë se ka "kapur dhe shkatërruar" pesë dronë që synonin mbretërinë