← Kthehu te Ballina
Politikë 25/10/2026 19:54

Delegacioni i BE në Serbi i brengosur nga incidentet e dhunshme gjatë zgjedhjeve: U bëjmë thirrje palëve për qetësi

Delegacioni i BE në Serbi i brengosur nga incidentet e dhunshme gjatë zgjedhjeve: U bëjmë thirrje palëve për qetësi

Delegacioni i Bashkimit Evropian në Serbi ka shprehur shqetësim për raportimet mbi incidente të dhunshme në disa qendra votimi, gjatë procesit zgjedhor në këtë shtet.

Shefi i Delegacionit të BE-së në Serbi, Andreas von Beckerath, tha se qytetarët serbë duhet të kenë mundësi ta ushtrojnë të drejtën e tyre demokratike për të votuar në një mjedis të qetë dhe të sigurt.

Në një reagim të publikuar në rrjetin social X, von Beckerath u bëri thirrje të gjithë akterëve që të ruajnë qetësinë, të veprojnë me përgjegjësi dhe të përmbahen nga dhuna dhe provokimet.

Ai gjithashtu u kërkoi institucioneve përgjegjëse të garantojnë sigurinë e të gjithë pjesëmarrësve në procesin zgjedhor.

“Jemi thellësisht të shqetësuar për raportimet mbi incidente të dhunshme në disa qendra votimi”, deklaroi von Beckerath.

We are deeply concerned about reported violent incidents across a number of polling stations. Serbian citizens need to be able to exercise their democratic right to vote in a peaceful and safe environment. We call on all actors to remain calm, to act responsibly and refrain from violence and provocations and on the competent institutions to ensure safety of all involved in the electoral process.

— A von Beckerath (@vBeckerath) October 25, 2026

Reklamë