← Kthehu te Ballina
Lajme 15/10/2026 14:01

Defekti në gypin kryesor lë pa ujë disa rrugë në Gjakovë

Defekti në gypin kryesor lë pa ujë disa rrugë në Gjakovë

Kompania Rajonale e Ujësjellësit “Gjakova” ka njoftuar se disa rrugë në Gjakovë kanë mbetur pa furnizim me ujë, si pasojë e një defekti në gypin kryesor të ujësjellësit.

Sipas njoftimit të kompanisë, defekti ka ndodhur në gypin kryesor të ujësjellësit AC, në rrugën “Sabrije Vokshi-Bija”, ndërsa pa ujë kanë mbetur rrugët “Mithat Frashëri 1, 2 dhe 3” dhe “Bajram Curri”.

KRU “Gjakova” ka bërë të ditur se defekti është shkaktuar nga një operator privat.

Ekipet e kompanisë janë në terren dhe po punojnë për sanimin e defektit dhe rikthimin e furnizimit me ujë sa më shpejt të jetë e mundur.

Reklamë