Çfarë i duhet Kosovës në përballje me Irlandën për ta ruajtur pozitën e dytë?
Kosova është shumë pranë sigurimit të pozitës së dytë në Grupin 3 të Ligës B të Ligës së Kombeve. Pas ndeshjeve të fundit, “Dardanët” kanë gjashtë pikë dhe renditen në vendin e dytë, një pikë më shumë se Republika e Irlandës, që ndodhet në pozitën e tretë. Izraeli është i fundit me tri pikë.
Ndërkohë, Austria e ka siguruar vendin e parë në grup dhe promovimin direkt në Ligën A për edicionin e ardhshëm të Ligës së Kombeve.
Tashmë vëmendja e Kosovës është përqendruar te përballja e fundit me Irlandën, që zhvillohet të martën nga ora 20:45 në Dublin. Kjo ndeshje do të përcaktojë se cila prej dy ekipet do ta mbyllë garën në pozitën e dytë.
Pamje nga ndeshja Kosovë - Izrael Foto: Ridvan Slivova
Për Kosovën, llogaritë janë të qarta: një barazim do të mjaftonte për ta ruajtur vendin e dytë, pasi do të shkonte në 7 pikë, ndërsa Irlanda do të mbetej me 6 pikë.
Në këtë mënyrë, “Dardanët” do ta siguronin pjesëmarrjen në ndeshjet e “play-offit” për promovim në Ligën A, pasi me barazimin ndaj Izraelit, qëndrimi në Ligën B është siguruar.
Pas fitores së Austrisë ndaj Irlandës, ja si qëndron situata në grupin e Kosovës për Ligën e Kombeve
Pozita e dytë nuk sjell promovim të drejtpërdrejtë, por i jep Kosovës mundësinë të luftojë për ngjitje në elitën e futbollit evropian përmes “play-offit”, ku do të përballej me një përfaqësuese të Ligës A, që përfundojnë në vendet e treta.
Përveç rëndësisë në Ligën e Kombeve, përfundimi në vendin e dytë do të ishte gjithashtu i rëndësishëm për Kosovën në funksion të kualifikimeve për Kampionatin Evropian të vitit 2028, pasi renditja përfundimtare e Ligës së Kombeve ndikon në përcaktimin e vazove për shortin kualifikues.
Pamje nga ndeshja Kosovë - Izrael Foto: Ridvan Slivova
Synimi mbetet një vend në vazon e dytë, që të kemi short më të mirë, drejt eventit të rëndësishëm.
Kështu, sfida në Dublin ka peshë të madhe për Kosovën. Një rezultat pozitiv do t’i siguronte vendin e dytë dhe mundësinë për të luftuar për promovim në Ligën A, në një edicion ku Austria tashmë e ka siguruar ngjitjen direkte. /Telegrafi/
Artikull i përzgjedhur dhe përpunuar automatikisht nga Zani Digjital.
Lexo më shumë
Goditet nga vetura një këmbësore në Mitrovicë të Veriut, pëson lëndime të rënda
Gjendet pa shenja jete një person në shtëpinë e tij në Prizren, policia nis hetimet
Katari dhe Turqia nënshkruajnë marrëveshje të mbrojtjes së ndërsjellë kundër sulmeve të jashtme
