Cassis: Zvicra mbështet Dhomat e Specializuara, nuk komentojmë vendimet e gjykatës
Ministri i Punëve të Jashtme të Zvicrës, Ignazio Cassis, ka deklaruar se shteti zviceran mbështet Dhomat e Specializuara të Kosovës dhe gjykatat ndërkombëtare.
Duke folur për procesin gjyqësor ndaj ish-krerëve të Ushtrisë Çlirimtare të Kosovës në Hagë, Cassis ka thënë se Zvicra i pranon vendimet e gjykatës dhe nuk ndërhyn në komentimin e tyre.
“Zvicra i mbështet Dhomat e Specializuara dhe gjykatat ndërkombëtare. Zvicra e pranon vendimin e gjykatës në lidhje me procesin e UÇK-së dhe nuk e komenton një vendim të tillë, pasi nuk është politik”, ka deklaruar Cassis.
Deklarata e ministrit zviceran vjen gjatë vizitës së tij në Kosovë, ku ka zhvilluar takime me përfaqësues të institucioneve të vendit.
Procesi gjyqësor ndaj ish-krerëve të UÇK-së nisi më 3 prill 2023. Në shtator të vitit 2026, trupi gjykues shpalli aktgjykimin e shkallës së parë, duke dënuar Hashim Thaçin dhe Jakup Krasniqin me nga 25 vjet burgim, Kadri Veselin me 18 vjet dhe Rexhep Selimin me 13 vjet burgim.
Aktgjykimi është i shkallës së parë dhe ndaj tij mund të ushtrohet ankesë.
Zvicra, ndërkohë, ka mbështetur vazhdimisht Kosovën në fusha të ndryshme, përfshirë zhvillimin institucional, sigurinë dhe proceset ndërkombëtare.
Të rejat Lexo më shumë
Kthesë e madhe në politikën izraelite - ultraortodoksët i kthejnë shpinën Netanyahut, prishet aleanca shumëvjeçare
A do të ketë rrymë mjaftueshëm për dimër, flet ministrja Rizvanolli
UBT International Smart Schools lanson Edicionin e III-të të Testit Provues të Arritshmërisë