← Kthehu te Ballina
Sport 09/10/2026 16:01

Ballkani merr tri pikë të mëdha në udhëtim te Llapi

Ballkani merr tri pikë të mëdha në udhëtim te Llapi

Ballkani ka marrë një fitore të madhe në udhëtim te Llapi me rezultat 1-0 në ndeshjen e vlefshme për javën e tetë në Albi Mall Superligën e Kosovës.

Ekipi i Sami Sermaxhajt ka dalë me tri pikë nga ‘Zahir Pajaziti”, pasi fitoi ndaj ekipi të Tahir Batatinës në ndeshjen e parë pas tri javësh pushim shkaku i ndeshjeve të kombëtareve.

Pjesa e parë e ndeshjes u karakterizua me lojë të barabartë nga të dyja ekipet, por pa raste të mira shënimi dhe ekipet shkuan në pushim me rezultat të barabartë 0-0.

Në pjesën e dytë pati më shumë aksion dhe më shumë raste nga të dyja skuadrat, por ishin vetëm mysafirët që gjeten rrjetën, përkundër se edhe vendasit provuan disa herë.

Goli i vetëm në ndeshje erdhi në minutën e 60-të të takimit me anë të Albin Berishës, i cili shënoi për 0-1 dhe deri në fund ky doli të jetë rezultati përfundimtar i ndeshjes dhe i tri pikëve për Ballkanit.

Pas kësaj fitore, Ballkani ngjitet në pozitën e tretë me 13 pikë, ndërsa Llapi zë vendin e parafundit, të nëntin me vetëm tri pikë.

Në ndeshjen e ardhshme, Ballkani e pret Dritën, ndërsa Llapi luan në udhëtim te Feronikeli ’74.

Reklamë