Ballkani fiton me lehtësi dhe thellë ndaj Drenicës
Ballkani ka fituar me rezultat të thellë 4-0 në shtëpi ndaj Drenicës në ndeshjen e vlefshme për javën e 12-të në Albi Mall Superligën e Kosovës.
Ekipi i Sami Sermaxhajt ka marrë fitoren e radhës në kampionat, duke mposhtur kësaj radhe Drenicën e Gentjan Mezanit.
Pjesa e parë e ndeshjes u karakterizua me lojë më të mirë dhe më shumë raste nga vendasit, të cilët arritën të shënojnë edhe dy gola, por vetëm njëri iu pranua si i rregullt.
Goli i vetëm në këtë pjesë erdhi në minutën e 20-të me anë të Albin Berishës, i cili shënoi për epërsinë 1-0, ndërsa goli i minutës së 44-të iu anulua nga VAR-i.
Edhe në pjesën e dytë, therandasit ishin skuadër më e mirë duke krijuar më shumë raste dhe duke arritur t’i shënojnë edhe tri gola për një fitore të thellë.
Goli i parë në këtë pjesë erdhi pas vetëm dy minutave lojë dhe ishte përsëri Berisha, i cili gjeti rrjetën për epërsinë 2-0.
Në minutën e 64-të radha i erdhi brazilianit Giovanni, i cili shënoi një gol të bukur pas asistimit të Valentin Serebe për 3-0, ndërsa Diar Vokrri (68’) u përkujdes për 4-0 dhe ky doli të ishte rezultati përfundimtar i takimit.
Pas kësaj fitore, Ballkani ngjitet në kuotën e 16 pikëve në vendin e gjashtë, ndërsa Drenica mbetet e shtata me 11 pikë.
Në ndeshjen e radhës, therandasit udhëtojnë te Feronikeli ’74, teksa drenicasit e presin Dritën.
Të rejat Lexo më shumë
Tragjedia hekurudhore në Spanjë ngre shqetësime edhe në Zvicër, eksperti paralajmëron për presionin mbi infrastrukturën
Pse na ndryshon disponimi gjatë vjeshtës? Shkenca shpjegon çfarë ndodh me organizmin tonë
Policia gjen armë ilegale pas të shtënave në një aheng në Malishevë, i dyshuari i dorëzon dy armë