Ardian Gjini ngushëllon familjen Rexha për ndarjen nga jeta të Argjirit
Kryetari i Aleancës, Ardian Gjini, ka shprehur ngushëllimet e tij për familjen Rexha, pas ndarjes së parakohshme nga jeta të Argjir Rexhës, aktivist i ditëve të para të Aleancës.
Në telegramin e ngushëllimit, Gjini ka shprehur pikëllimin për humbjen e Argjir Rexhës, duke vlerësuar kontributin e tij në rrugëtimin e Aleancës, si dhe angazhimin e tij në fushën e biznesit.
“Argjiri do të kujtohet gjithmonë si një aktivist i ditëve të para, i cili me një vullnet të palodhur, vizion të qartë dhe idealizëm dha një kontribut të jashtëzakonshëm në rrugëtimin tonë të përbashkët”, thuhet në telegramin e ngushëllimit të kryetarit të Aleancës, Ardian Gjini.
Gjini ka vlerësuar gjithashtu angazhimin e Rexhës si ndërmarrës dhe menaxher, duke theksuar kontributin e tij në gastronominë e Prishtinës dhe në fushën e shpedicionit dhe procedurave doganore, si dhe përkrahjen e bizneseve vendore dhe zhvillimin lokal.
Ai ka theksuar se Argjir Rexha do të kujtohet për mirësinë, sinqeritetin, besnikërinë dhe gatishmërinë e tij për të kontribuar, ndërsa humbjen e tij e ka cilësuar si të rëndë për familjen, miqtë dhe bashkëpunëtorët.
Në fund, kryetari i Aleancës u ka shprehur ngushëllimet më të sinqerta familjes Rexha, miqve dhe të gjithë kolegëve e bashkëpunëtorëve të Argjir Rexhës.
“Qoftë i përjetshëm kujtimi për të!”, thuhet në telegramin e ngushëllimit të Ardian Gjinit.
Të rejat Lexo më shumë
Kylian Mbappe fiton çmimin “Onze d’Or” për vitin 2026
Dragiša dhe Jovan Viqentijeviq me pranga në duar, nënshkruajnë praninë në gjykatë (Video)
Në Apel, mbrojtja kërkon lirimin e të akuzuarve për krime lufte në Reznik të Vushtrrisë