Anulohet tenderi “ekstrem emergjent” për goma dimërore për veturat e policisë
Policia e Kosovës ka anuluar aktivitetin e prokurimit për furnizimin dhe montimin e gomave dimërore për automjetet e saj.
Sipas njoftimit për anulimin e aktivitetit të prokurimit, vendimi është marrë më 29 tetor, ndërsa në këtë tender kishin marrë pjesë gjithsej tri kompani, të cilat kishin dorëzuar ofertat e tyre.
Vlera e parashikuar e tenderit ishte afro 400 mijë euro, raporton
Në dokumentin e publikuar, Policia e Kosovës ka bërë të ditur se arsyeja e anulimit është se një dispozitë e Ligjit për Prokurimin Publik ka kërkuar anulimin e aktivitetit të prokurimit.
Në njoftim nuk janë dhënë detaje shtesë se cila dispozitë konkrete ligjore ka imponuar anulimin e këtij aktiviteti të prokurimit.
Furnizimi me goma dimërore ishte ritenderuar, sakaq në thirrjen e ritenderimit, procesi ishte cilësuar si “ekstrem emergjent”.