Ambasada Gjermane: Procesi i Berlinit afron vendet e Ballkanit Perëndimor me BE
Ambasada Gjermane në Prishtinë ka theksuar rëndësinë e Procesit të Berlinit për forcimin e bashkëpunimit rajonal dhe afrimin e gjashtë vendeve të Ballkanit Perëndimor me Bashkimin Evropian.
Në një postim në Facebook, ambasada ka bërë të ditur se samiti i Procesit të Berlinit do të mbahet nesër në Shën Stefan të Malit të Zi.
Sipas ambasadës, synimi i qartë i Gjermanisë është që të gjashtë partnerët e Ballkanit Perëndimor të afrohen me anëtarësimin në BE.
Procesi i Berlinit synon të sjellë përmirësime konkrete për qytetarët e rajonit, përmes forcimit të lidhjeve rajonale, lëvizjes më të lirë dhe bashkëpunimit më të ngushtë praktik.
Ambasada ka vlerësuar gjithashtu rolin e Malit të Zi, i cili kryeson Procesin e Berlinit për vitin 2026, duke theksuar se mbajtja e samitit në këtë vend dërgon një sinjal pozitiv për rritjen e rolit të vendeve të Ballkanit Perëndimor në përcaktimin e bashkëpunimit rajonal dhe të së ardhmes së tyre të përbashkët.
Të rejat Lexo më shumë
Këto janë kompanitë e derivateve që dyshohet se e dëmtuan buxhetin për 17 milionë euro
Komisioni për Buxhet nuk e miraton amendamentin për 1 milion euro për protezat e invalidëve të luftës
Traditat familjare fillojnë në kuzhinë: Kur recetat e gjyshes takohen me teknologjinë moderne