Ambasada e Kosovës në Paris mirëpret artistët kosovarë, vlerësohet suksesi i tyre në skenën ndërkombëtare
Ambasada e Kosovës në Francë ka mirëpritur artistët kosovarë në Paris, në një takim ku u diskutua për rrugëtimin e tyre artistik, sukseset ndërkombëtare dhe mundësitë e bashkëpunimit kulturor mes Kosovës dhe Francës.
Në takimin e mbajtur dy ditë më parë, ambasadori i Kosovës në Francë, së bashku me stafin e ambasadës, priti artistët Brilant Milazimi, Arrita Katona, Ermir Zhinipotoku, Luiza Thaqi dhe Erleta Matoshi, shkruan
Vëmendje e veçantë iu kushtua suksesit të artistit Brilant Milazimi, pjesëmarrja e të cilit në Art Basel Paris, pas prezantimit në Bienalen e Lionit, shënon një tjetër prezantim të artit kosovar në platformat e rëndësishme ndërkombëtare.
Ndërkohë, Arrita Katona, Ermir Zhinipotoku dhe Luiza Thaqi po qëndrojnë në rezidencën artistike Cité internationale des arts në Paris, në kuadër të programit “Shtëpi”, i realizuar në partneritet me Galerinë Kombëtare të Kosovës.
Ky program synon t'u krijojë artistëve mundësi për zhvillim krijues, shkëmbim përvojash dhe bashkëpunime me artistë e institucione ndërkombëtare.
Gjatë takimit u diskutua edhe për mundësitë e zgjerimit të bashkëpunimit kulturor ndërmjet Kosovës dhe Francës.
Të rejat Lexo më shumë
Mickoski: Në Bërvenicë pres fitore me mbi 4000 vota
Ish-gjyqtari i njohur i La Ligës shpërthen me akuza: Federata ka urrejtje ndaj katalanasve
Publikohet letra që Gazmend Hoxha i dërgoi Kurtit, bashkë me dorëheqjen e tij