Alban Hyseni për humbjen e dy jetëve në Gjilan: Na ka prekur të gjithëve
Kryetari i Gjilanit, Alban Hyseni, ka shprehur ngushëllime për familjarët e dy personave që humbën jetën në fshatin Demiraj, duke e cilësuar rastin si një tragjedi që prek të gjithë qytetarët.
Përmes një postimi në Facebook, Hyseni ka thënë se Komuna e Gjilanit ndan dhimbjen me familjarët dhe të afërmit e viktimave.
“Humbja e jetëve në rrethana që ende nuk janë sqaruar në tërësi është një tragjedi që na prek secilin”, ka shkruar ai.
Hyseni, në emër të Komunës së Gjilanit, u ka shprehur ngushëllimet më të sinqerta familjarëve, ndërsa ka bërë thirrje që organet e rendit dhe të drejtësisë të angazhohen për zbardhjen e plotë të rastit.
“Presim që organet e rendit dhe të drejtësisë që të bëjnë punën e tyre me përkushtim të plotë për zbardhjen e të gjitha rrethanave të këtij rasti”, ka deklaruar Hyseni.
Të rejat Lexo më shumë
Sulltani i Omanit për vizitë historike në Kinë, e para në 48 vjet
Blick alarmon Federatën Zvicerane: Shqipëria po provon të na “rrëmbejë” Lutfi Dalin dhe Samuel Krasniqin
Zgjedhjet në Bërvenicë, Sallai: Deri në orën 18:30 jehona e votuesve është 53%