Abdixhiku për vrasjen e Arlindës: Është e padurueshme të lexosh fjalët e një gruaje që kërkon ndihmë, teksa ndjenë pafuqinë e zanit të saj
Kryetari i LDK-së, Lumir Abdixhiku, ka reaguar pas vrasjes së gruas në Vitomiricë të Pejës, e cila dyshohet se u vra nga kunati i saj.
Abdixhiku ka bërë të ditur se viktima, Arlinda, tri ditë para se të vritej, kishte paralajmëruar Prokurorinë për rrezikun ndaj jetës së saj dhe kishte kërkuar mbrojtje nga institucionet e shtetit.
“Sot, letra e saj është këtu. Arlinda nuk është më. Ajo u vra mbrëmë”, ka shkruar Abdixhiku.
Postimi i plotë i Abdixhikut:
Arlinda kërkoi të jetonte. Kërkoi mbrojtje nga shteti. Tri ditë para se të vritej, e paralajmëroi Prokurorinë për rrezikun ndaj jetës së saj.
Sot, letra e saj është këtu.
Arlinda nuk është më. Ajo u vra mbrëmë.
Është e padurueshme të lexosh fjalët e një gruaje që kërkon ndihmë, teksa ndjenë pafuqinë e zanit të saj. Ato fjalë godasin secilin prej nesh, si prind, si vëlla, si fëmijë, si bashkëqytetar. Një grua kishte frikë për jetë dhe u la vet!
Për këtë rast LDK kërkon hetim të plotë dhe të pavarur të çdo veprimi e mosveprimi në mbrojtje të saj. Secili zyrtar e institucion që e ka trajtuar kërkesën e Arlindës duhet të japë llogari për veprimet që ka ndërmarrë dhe detyrimet që ka lënë pa përmbushur. Përgjegjësia duhet të ketë emër e mbiemër.
Ngushëllimet më të sinqerta familjes së Arlindës.
Asaj i detyroheshim mbrojtje sa ishte gjallë. Për të gjallë, mbrojtje nuk pati! Tani i detyrohemi drejtësi; me gjithë zhvlerësimin paralajmërues që në letër na e dha. Dhe çdo gruaje tjetër që sot jeton me frikë, i detyrohemi veprim. Sot, para se një tjetër kërkesë për ndihmë të na mbetet në duar si dëshmi e një jete që nuk e mbrojtëm.
Të rejat Lexo më shumë
Shoferët “shëtiten” nëpër shtete për furnizim me naftë, zviceranët shkojnë në Itali e gjermanët në Zvicër
Abdixhiku për vrasjen e Arlinda Zekajt: I detyroheshim mbrojtje sa ishte gjallë, tani i detyrohemi drejtësi
Lushaku Sadriu: Qeveria s’ka lidhje me ekonominë, 100 euro nuk janë zgjidhje