63 minatorë të Trepçës mbeten të ngujuar në tunel pas një defekti me energjinë elektrike
63 minatorë të Trepçës kanë mbetur të ngujuar të mërkurën mbrëma, pas një defekti në furnizimin me energji elektrike.
Kryetari i Sindikatës së Minatorëve të Trepçës, Ibrahim Januzi, ka bërë të ditur se bëhet fjalë për punëtorët e ndërrimit të dytë.
Sipas tij, minatorët kanë mbetur të ngujuar në tunelin e parë të minierës, ndërsa ekipet përkatëse janë duke punuar për nxjerrjen e tyre.
“Për shkak të një defekti me energjinë elektrike, rreth 60-63 minatorë të ndërrimit të dytë kanë mbetur të ngujuar”, ka thënë Januzi.
Ai ka shtuar se aktualisht po punohet për nxjerrjen e minatorëve nga tuneli.
Deri në publikimin e lajmit nuk janë dhënë detaje të tjera për gjendjen e minatorëve apo kohën e nevojshme për nxjerrjen e tyre.
Telegrafi do t'ju mbajë të informuar...
Të rejat Lexo më shumë
Shkuan ta ndihmojnë Dodikun në zgjedhjet e Bosnjës, Trump distancohet nga dy këshilltarët e tij
WhatsApp përgatit ndryshime të mëdha, kanalet mund të zhvendosen te bisedat
Garazhi në Bullgari bëhet hit në Facebook, “vetëm ballkanasi mund ta bëjë këtë”